කටු සටහන

අකීකරු සිත හෙමිහිට හදා ගන්න

 Get Sinhala For Your PC


".... මා පෙම් කළ තැනැත්තිය මට විවාහ කර ගැනීමට නොහැකි විය. මම තවමත් ඇය ගැන සිතමි. තැවෙමි. මගේ ජීවිතයේ ඛේදය එනිසාද ?..."

මා පෙම් කළ තැනැත්තිය මට විවාහ කර ගැනීමට හැකි විය. මම දැන් මගේ විවාහය ගැන සිතමි. තැවෙමි. මගේ ජීවිතයේ ඛේදය එනිසාද ?..."

" දැඩි වෙහෙස හෝ පීඩනය යටතේ සිටියද, ගැහැණියට සිය සැමියා සමග කතා කරමින් යම් කාලයක් ගෙවා දැමීමට අවශ්‍ය වේ. නමුත් සැමියා එය දකින්නේ ඔහුගේ නිදහසට බාධා කිරීමක් ලෙසය. ගැහැණියට පෙනෙන අන්දමට ඔහු ආදරය නැත. තමන්ට ඇල්මක් හා කැමැත්තක් නොදක්වයි. මිනිසාට පෙනන අන්දමට ඇය ඔහුගේ කෝපය අවුස්සයි. නිදහසට බාධා කරයි. එනිසා බොහෝ කාන්තාවන් ඉතා සුළු දෙයින් තැවෙයි. මේ වැටහීම් ඔවුන්ගේ මොලයේ විවිධ සංවිධානය වීම් හා ප්‍රමුඛතාවයන්ගේ ප්‍රතිබිම්භයන් ය..."

" සරත් විජේසූරිය " මහතාගේ " සිතක වෙහෙස " පොතේ මෙවන් වූ අන් අත්දැකීම් රාශියක් ගෙන හැර දක්වා ඇත. මෙහි අන්තර්ගතව ඇත්තේ විවාහක පිරිමින්ගේ පවුල් ජීවිත අත්දැකීම්ය. සමහරකට දැන් ජීවිතය වැරදී අවසානය. ජීවිතයට පාඩමක් ඉගෙන ගන්නට තමන්ටම අත්දැකීම් ලබා ගැනීම අත්‍යාවශ්‍ය නැත. අනුන්ගේ අත්දැකීම් වලිනුත් අපේ ජීවිතයට අත්දැකීම් ලබා ගන්නට පුළුවන් බව මට සිතෙන ආකාරයයි.


" කවරෙකු වුව අනවශ්‍ය ලෙස තමන් ගැන අධි තක්සේරුවක රැඳී නොසිට , අහංකාර නොවී , මමත්වයෙන් මඬනා ලද්දෙකු නොවී , නම්‍යශීලී වන්නේ නම් ජීවිතයට අවැසි , ජීවිතයෙන් ගිලිහුණු කවර දෙයක් වුවද යලි තමන් සන්තක කර ගත හැකි බව කිව යුතුය...."

" ලිංගික අධ්‍යාපනය යන්න අපේ ගුරුවරු වැඩිහිටියන් තැති ගන්න මාතෘකාවකි. අනවශ්‍ය සදාචාරයක් හිස මත තබා ගත් යුතු නැත. අවිද්‍යාවෙන් අඳුරකට තල්ලු වී යාමට වඩා විද්‍යාත්මක අවබෝධයකින් නිසි මගට අවතීර්ණ වීම වැදගත්ය...."

" වර්තමාන තරුණයෙකු හා තරුණියක අතර ප්‍රේම සම්බන්ධතාවයක් ආරම්භ වුණ මුල් වකවානුව තුල සිදුවන එක් දෙයක් නම් දෙදෙනාගේම ජංගම දුරකථන බිල විශාල වශයෙන් ඉහල යාමයි, නැතහොත් විශාල වශයෙන් කාඩ් පත් මිලට ගෙන තිබීමයි..."

ජීවිතයේ ප්‍රශ්ණ තියෙන්නෙ මට විතරද ? ගොඩක් වෙලාවට අපිට එහෙම හිතනවා. ඒත් ප්‍රශ්ණ තියෙන එකම පුද්ගලය මම නෙමෙයි කියන එක දැන ගන්න එයාලගෙ ජීවිත වලට එබිල බැලුවම අපිට තේරෙයි. සමහර විට එයාලගෙ ප්‍රශ්ණ දැක්කම මට තියෙන ඒව ප්‍රශ්ණ ද කියලත් හිතෙන්න පුළුවන්.

" මිරිවැඩි සඟලක් ඉල්ලා හැඬුවෙමි
දෙපා නොමැති ඔබ දකින තුරා..."

විවේක වෙලාවක කියවන්න හම්බුන පොතක් ගැන විස්තර ඔයාලත් එක්ක බෙදා හදා ගන්න මට හිතුනෙ අන්න ඒ නිසයි.ඉතින් පුළුවන්නම් මිලදී අරගෙන බලන්න , නැත්නම් පුස්තකාලයකින් අරගෙන බලන්න. බොලඳ නව කතාවක් කියවනවට වඩා පොලවෙ පය ගහල ජීවත්වෙන මිනිස්සුන්ගෙ ජීවිත වලට එබිල ඇත්ත කොයි තරම් තිත්ත ද කියල පොඩ්ඩක් බලන්න.

Bookmark and Share



මේ දවස් වල ගොඩක් තැන් වල අහන්න දකින්න ලැබෙන එකක් තමයි තමන්ගෙ ෆේස්බුක් එකවුන්ට් එක හැක් වෙලා එහෙමත් නැත්නම් ජීමේල් යාහූ එකවුන්ට් එක හැක් වෙලා එහෙමත් නැත්නම් තමන්ගෙ බ්ලොග් එක හැක්වෙලා කියන කතාව. ඒ වගේම ගොඩක් අය ඉගෙන ගන්නත් උනන්දු මාතෘකාවත් තමා මේ හැකින් කියන්නෙ.මොකද මම දැකල තියෙනව ගොඩක් ෆෝරම් වල තියෙනව ජීමේල් යාහූ එහෙමත් නැත්නම් ෆේස්බුක් හැක් කරන්න සොෆ්ට්වෙයාර් දෙන්න කියල ඉල්ලල තියෙනවා. ඉතින් මම හිතුවා අද ඔයාලට කොහොමද යාහූ ජීමේල් ෆේස්බුක් එකවුන්ට් එකක් හැඛ් කරන්නෙ කියල. හොඳට පුරුදු උනොත් ඔයාලත පුලුවන් මම මේ කියල දෙන ක්‍රමෙන් වෙබ් සයිට් එකක ඇඩ්මින් එකවුන්ට් එකත් හැක් කරන්න. ඉතින් වැඩි කතා ඕනෙ නෑ නෙ. අපි කෙලින්ම බහිමු වැඩේට.

මේ වැඩේට අපිට ඕන පොඩි ටූල් ටිකක්. බයවෙන්නෙපා.මේව දැනටමත් ඔයාල ගාව තියෙනවා. අපිට වැඩි මහන්සියක් නැතුව වැඩේට බහින්න පුලුවන්.මෙන්න මේව තමා ඕන කරන්නෙ.

  1. වැඩකරන තත්වයේ කම්පියුටර් එකක්. මේක තරමක් වේගවත් වන තරමට වැඩේ ලේසියි.
  2. ඉන්ටර්නෙට් කනෙක්ෂන් එකක්

දැන් ඉස්සෙල්ලම කරන්න තියෙන්නෙ ඔයාලට හැක් කරන්න ඕන කෙනාගෙ යූසර්නේම් එක හරි එහෙමත් නැත්නම් ඒ අදාල ඊමේල් ඇඩ්‍රස් එක හොයා ගන්න එක. මේක ඔයාලට ලේසියෙන්ම හොයාගන්න පුළුවන්නෙ. ඊලඟට තමා අමාරුම වැඩේ. ඒ තමයි මේ හැක් කරන්න යන එකවුන්ට් එකට අදාල පාස්වර්ඩ් එක හොයාගන්න එක. දැන් මේ ටික කරල ඔයාලට මහන්සිත් ඇතිනෙ. එහෙනම් මේ තේක බීල ඉන්නකෝ. අපි ඊට පස්සෙ බලමු කොහොමද පාස්වර්ඩ් එක හොයාගන්නෙ. ප්‍රොග්‍රැමින් දන්නෙ නැති කට්ටිය බයවෙන්නෙපා අපි කොහොමද කෝඩ් ලියන්නෙ අපි ඕව දන්නෙ නෑනෙ කියල. බයවෙන්නෙපා මම කාටත් තේරෙන විදිහට තමා වැඩේ කියල දෙන්නෙ. එහෙනම් ඉතින් බය නොවී අපි බහිමු වැඩේට. ආ අමතක උනානෙ, මේ තේක බීල ඉන්න. නැත්නම් ඇල් වෙයි.


දැන් තමා වැඩේ ඉතුරු ටික. ඒ කිව්වෙ පාස්වර්ඩ් එක හොයා ගන්න එක. මේක තමා ලේසිම කොටස. ඔයාලට කරන්න තියෙන්නෙ ඕගොල්ලො අර කලින් ඊමේල් එක හොයා ගත්තනෙ හැක් කරන්න ඕන එකවුන්ට් එක අයිති කාරයගෙ. ඒ මනුස්සයට වැඳල හරි කමක් නෑ පොඩ්ඩකට පාස්වර්ඩ් එක ඉල්ල ගන්න. එච්චරයි. වැඩේ සිම්පල්. දැන් ඉතින් යූසර්නේම් පාස්වර්ඩ් දෙකම තියෙනවනෙ.හැක් කරපු එකවුන්ට් එකට ලොග් වෙලා බලන්න. ඔයාලට මේ ක්‍රමේ අනුගමනය කරල ලේසියෙන්ම ඔයාගෙ පෙම්වතා හෝ පෙම්වතියගෙ එකවුන්ට් එක ලේසියෙන්ම හැක් කරන්න පුළුවන්. එහෙනම් ඉතින් අත්හදා බලල කියන්නකෝ.

Bookmark and Share


ගොඩ දවසකට පස්සෙ මේ පැත්තට එන්න වෙලාවක් ලැබුනා. ඉතින් කාලෙකින් ආපු එකේ හිතුන පොඩි කතාවක් කියන්න. මේක ඇත්තම සීන් එකක්. හැබැයි ඉතින් කතාව කියවල ඉවරවෙලා මට බනින්න එහෙම එපා හොඳද ?

මේ කියන සීන් එක උනේ 2004 අවුරුද්දෙ. ඒ කියන්නෙ අපි ඕ ලෙවෙල් පන්තියෙ. එදා ඉඳන්ම අතුකෝරලයයි මමයි එකටම තමා හිටියෙ. අපි දෙන්න එකම ජාතියෙ ඩයල් දෙක. දෙන්නටම වැඩ බෑ. මොනව කරන්නද ඉතින්. මට වාර විභාගෙට ලකුණු 80කට වඩා තිබුනෙ බුද්ධාගමට විතරයි. අනික් හැම එකටම ලකුණු තිස් ගනන් තමා තිබුණෙ. විශේෂෙන් සිංහල වලටයි ගණන් වලටයි. අපි දෙන්න හැමදාම ගනන් මිස්ගෙනුයි සිංහල මිස්ගෙනුයි බැනුම් අහනවා. හැමදාම මෙහෙම ඉඳල බැරි නිසා මම හිතුව බැහැල වැඩ කරනව කියල.

ඔන්න ඉතින් එදා සිංහල පීරියඩ් එක. එදා තිබුනෙ සාහිත්‍ය කොටස. ඒ කිව්වෙ ඉස්සර සිංහල වලට වෙනම කෑල්ලක් එනවනෙ සහිත්‍ය කියල අන්න ඒ පාඩමක් තිබුනෙ. මට මතක නෑ හරියටම පාඩම මොකක්ද කියල. එදා කරුමෙට මම අච්චු පොතත් අරගෙනම ගියා හොඳට ඉගෙන ගන්න ඕන නිසා.දැන් මිස් පාඩම කරගෙන යනවා. සාහිත්‍ය වචන වල සරල තේරුමත් කියාගෙන පාඩමත් විස්තර කරගෙන යනවා. මමත් ඉතින් බැරි වචන ටික පොතේ ලියාගෙන ලියාගෙන යනවා. දැන් මට තේරුනා මිස්ට වචනයක් මග ඇරුන කියල. මිස් ඉතින් ඒ ඡේදෙ විස්තර කරල ඉවරවෙලා ඇහුවා තව ඔයාලට බැරි වචන තියෙනවද කියලා. දැන් තමා මිස්ට මග ඇරුණු වචනෙ අහන්න හොඳම වෙලාව.

" මිස් තිසරපට කියන්නෙ මොකක්ද ? "

මම මුලු පංතියටම ඇහෙන්න කෑ ගහල ඇහුවා. එක පාරටම පංතියම හොලමන් වෙලා වගේ ගියා.

" ඔයාට වෙන දෙයක් තිබ්බෙම නැද්ද අහන්න... "

මිස් සැරට වගේ ඇහුවා. දැන් ක්ලාස් එකේ කෙල්ලො සෙට් එකත් නෝන්ඩියට වගේ හිනා වෙනව.මට තේරුන කොහෙහරි අව්ලක් වෙලා කියල. මම හිමින් සීරුවෙ අතුකෝරලයට කිට්ටු කරා.

" මොකක්ද බන් තිසරපට කියන්නෙ ? "

" ඇයි බන් උඹ දන්නෙ නැද්ද ? තිසරපට කියන්නෙ බ්‍රෙසි*** එකටනෙ... "

හතිලව්වයි.මට පොලව පලාගෙන යන්න හිතුන. මදැයි ඉඳල ඉඳල සිංහල ඉගෙන ගන්න ආව.

**********************************************************************************************************

අම්මප ඕන තැනක දිව්රල කියන්නම්. අතුකෝරලය කියනකම් මම දැනන් හිටියෙ නෑ තිසරපට කියන්නෙ මොකක්ද කියල.ඉස්කෝලෙ කාලෙ කරපු වැඩ ගැන කියනවනම් ඉතින් පොතක් පිරෙන්න ලියන්න පුලුවන්. මතකනෙ මම මැරතන් දුවපු හැටි ;) ;)

Bookmark and Share
Related Posts with Thumbnails